ევროკავშირმა რუსეთის წინააღმდეგ სანქციები გაამკაცრა. შესაბამისი განცხადება ევროპული საბჭოს პრეზიდენტმა ჰერმან ვან რომპეიმ მას შემდეგ გააკეთა, რაც ევროკავშირის ქვეყნები სანქციებზე ინდივიდუალური წესით დათანხმდენენ. გუშინ ვრცელდებოდა ინფორმაცია, რომ საქციებზე ელექტრონული წესით თანხმობის მიცემაზე თავს სლოვაკეთი იკავებდა.
ახალი სანქციები, რომელიც უახლოეს პერიოდშუ გამოქვეყნდება, კიდევ უფრო გაამკაცრებს 31 ივლისს დაწესებული შეზღუდვებს.
რომპეის განცხადებით, სანქციების მიზანია რუსეთის ქმედებების კურსის შეცვლა აღმოსავლეთ უკრაინაში.
"სანქციების ამოქმედებამდე დარჩენილი პერიოდი ტოვებს დროს ცეცხლის შეწყვეტის შეთანხმების რეალიზაციისა და სამშვიდობო გეგმის შესრულების შესაფასებლად", - განაცხადა რომპეიმ.
მისივე თქმით, რუსეთის ადეკვატური მოქმედებების პირობებში ევროკავშირი მზად არის გადახედოს შეთანხმებულ სანქციებს მთლიანად ან ნაწილობრივ.
