"დამთავრდა ის დრო, რომ მუდმივად ხდებოდეს მათი საქმიანობის `ნაციონალურ მოძრაობასთან~ შედარება. ხალხი `ქართული ოცნებისგან~ გაცილებით მეტს ითხოვს, ვიდრე `ნაციონალური მოძრაობისაგან~ ითხოვდა და პოლიტიკური პაექრობები, რა თქმა უნდა, კოალიციას მხოლოდ შეასუსტებს. არ არის გამორიცხული, რომ 2016 წლის საპარლამენტო არჩევნებისთვის კოალიციის იმ წევრებმა, რომლებიც გრძნობენ, რომ მათი სკამი შერყეულია, მოვლენებს დაასწრონ და ვიდრე ირაკლი ღარიბაშვილი სკამების განთავისუფლებას მოსთხოვთ, დემარშით დატოვონ კოალიცია. რა თქმა უნდა, ამას კიდევ ცალკე პრობლემები მოჰყვება. ამიტომ მიმაჩნია, რომ დღეს არ არის პირადი ურთიერთობების გამო, კონკრეტული სახელმწიფო ინსტიტუციების დისკრედიტაციის დრო. პირიქით, ქვეყნის განვითარების მიზნით გვერდით უნდა გადადონ პირადი წყენა და ამბიციები, კეთილინებონ და იმ კომპეტენციის ფარგლებში იმუშაონ, რომელიც განსაზღვრულია საქართველოს კონსტიტუციითა და კანონმდებლობით", - აცხადებს კახიშვილი.