ნატო-საქართველოს პაკეტი, რომელიც შემუშავებულია, გვითხრეს, რომ პრაქტიკულად შეთანხმებულია ალიანსის წევრებთან.ამის შესახებ ნატოს გენერალურ მდივანთან ანდერს ფპგ რასმუსენთან საქართველოს პრეზიდენტის გიორგი მაგრველაშვილის შეხვედრის შემდეგ თავდაცვის მინისტრმა ირაკლი ალასანიამ განაცხადა.
"ნატო-საქართველოს პაკეტი, რომელიც შემუშავებულია, გვითხრეს, რომ პრაქტიკულად შეთანხმებულია ალიანსის წევრებთან. იგი ითვალისწინებს შემდეგს - საქართველოში გაიხსნას ნატო-სთან ერთობლივი საწვრთნელი ცენტრი, სადაც მოემზადებიან ნატოელი და პარტნიორი სამხედრო ქვედანაყოფები; , თავდაცვის სამინისტროში და შეიარაღებულ ძალებში წარმოგზავნილი იქნება ნატო-ს სამხედრო ექსპერტთა ჯგუფი, რომელიც კონკრეტულად გაუწევს შემუშავებული პაკეტის განხორციელებას, ცხოვრებაში გატარებას კონტროლს; მესამე და ძალიან მნიშვნელოვანი ის არის, რომ ნატო თანხმდება თავდაცვითი შეიარაღების გაძლიერების, მოწოდების, შესყიდვის კუთხით მხარდაჭერა აღმოუჩინოს საქართველოს, რათა საქართველოს ჰქონდეს ის საშუალებები, თავი დაიცვას აგრესიის შემთხვევაში. ასევე გვითხრეს, რომ საქართველო გადადის ახალ ლიგაში", - განაცხადა ალასანიამ.
