„თბილისის აეროპორტის" საბაჟო გამშვები პუნქტში არადეკლარირებული ფული - 207790 აშშ დოლარი აღმოაჩინეს. შემოსავლების სამსახურის ინფორმაციით, აღნიშნული თანხა მებაჟე ოფიცერმა საქართველოს მოქალაქის ხ.მ-ს ხელბარგის დათვალიერებისას აღმოაჩინა. ხ.მ. თბილისი-სტამბოლის მიმართულებით მგზავრობდა.
საგადასახადო კოდექსის 289-ე მუხლის მე-13 ნაწილის თანახმად მოქალაქეს სანქციის სახით შეეფარდა ფულადი ჯარიმა 3000 ლარის ოდენობით.
