დღეს დილიდან ე.წ. სამხრეთ ოსეთის დე ფაქტო ხელისუფლების გადაწყვეტილებით, ახალგორის მიმართულებით მოძრაობა აიკრძალა. დე ფაქტო რესპუბლიკა ხვალ რუსეთის ფედერაციის მხრიდან "სამხრეთ ოსეთის სახელმწიფოებრიობის აღიარების" დღეს აღნიშნავს.
2008 წლის 26 აგვისტოს რუსეთის მაშინდელმა პრეზიდენტმა, დიმიტრი მედვედევმა ოფიციალურად განაცხადა, რომ რუსეთი აღიარებს ე.წ. სამხრეთ ოსეთისა და აფხაზეთის დამოუკიდებლობას.
ე.წ. საზღვარზე შეზღუდვა რამდენიმე დღეში მოიხსნება. დე ფაქტო უშიშროების სამსახურის განცხადებით, შეზღუდვა უსაფრთხოების ზომების გამკაცრებას უკავშირდება.
