ექს-შინაგან საქმეთა მინისტრმა ვანო მერაბიშვილმა სანდრო გირგვლიანის საქმესთან დაკავშირებით ყველაფერი იცოდა. ასეთი განცხადება გააკეთა თბილისის სქალაქო სასამართლოში მიმდინარე სხდომაზე ბრალდების მოწმემ ოლეგ მელნიკოვმა.
"ყველაფერი იცოდა ვანო მერაბიშვილმა, რადგან ყოველდღიური კონტაქტი ჰქონდა დათა ახალაიასთან. მეც მქონდა ამ საქმეზე მასთან ლაპარაკი. დათა ახალაია და ვანო მერაბიშვილი ტელეფონით კონტაქტობდნენ. დათა ეუბნებოდა, რომ არ ენერვიულა. ყველაფერი კარგად იქნებოდა და ზედმეტს არავინ არაფერს იტყოდა. ვგულისხმობ იმ ბიჭებს, რომლებიც დააკავეს", - განაცხადა მელნიკოვმა, რომლის დაკითხვა სასმართლომ დღეს დაასრულა.
სასამართლო სხდომა ამ საქმეზე 22 აგვისტოს 15:00 საათზე გაიმართება.
