წნორი ლაგოდეხის გზაზე მომხდარი ავტოსაგზაო შემთხვევის შედეგად ჟურნალისტი ეკა კუპატაძე გარდაიცვალა. როგორც კახეთის საინფორმაციო ცენტრს წნორის „არქიმედეს" კლინიკის მენეჯერმა ნუკრი ყარალაშვილმა განუცხადა, ეკა კუპატაძე საავადმყოფოში უკვე გარდაცვლილი შეიყვანეს.
„ავტოავარიის შედეგად მას მრავლობითი დაზიანებები აქვს მიღებული. სტაციონარში უკვე გარდაცვლილი შემოიყვანეს", - აღნიშნა კლინიკის მენეჯერმა.
ეკა კუპატაძე სხვადასხვა დროს მუშაობდა რადიო „ჰერეთში", ტელეკომპანია „გურჯაანში" და სხვა საინფორმაციო საშუალებებში.
კახეთის საინფორმაციო ცენტრი მწუხარებას გამოთქვამს ეკა კუპატაძის გარდაცვალების გამო და სამძიმარს უცხადებს მისი ოჯახის წევრებს, ახლობლებსა და მეგობრებს.
