შსს-ს სასაზღვრო პოლიციის პირველი სამმართველოს და საგამოძიებო-ოპერატიული მთავარი სამმართველოს დასავლეთის საგამოძიებო განყოფილების თანამშრომლებმა, ერთობლივად ჩატარებული ოპერატიულ-საგამოძიებო ღონისძიებების შედეგად, ავღანეთის ისლამური სახელმწიფოს ოთხი მოქალაქე - 1992 წელს დაბადებული ალიაკბარ ჰ, 1991 წელს დაბადებული მირვეუს ა, 1988 წელს დაბადებული მოჰამედ ჩ. და 1991 წელს დაბადებული ასიფ ლ.საქართველოს სახელმწიფო საზღვრის უკანონოდ, ჯგუფურად გადაკვეთის ბრალდებით სარფში დააკავეს.
გამოძიებამ დაადგინა, რომ დაკავებულებმა სარფის სასაზღვრო სექტორის დასაცავ მონაკვეთზე, სასაზღვრო-საკონტროლო გამშვები პუნქტის გვერდის ავლით, თურქეთის რესპუბლიკიდან უკანონოდ გადმოკვეთეს საქართველოს სახელმწიფო საზღვარი.
გამოძიება საქართველოს საზღვრის უკანონოდ გადაკვეთის ფაქტზე მიმდინარეობს (საქართველოს სსკ-ს344-ემუხლის მე-2 ნაწილის „ა" ქვეპუნქტით). გამოძიებას სასაზღვრო პოლიციის საგამოძიებო-ოპერატიული მთავარი სამმართველო აწარმოებს.