რუსეთის პრეზიდენტი ვლადიმერ პუტინი უკრაინის საკითხთან მიმართებაში უკვე ძალიან შორს წავიდა და რუსეთი დანაკარგს თავს უკვე ვეღარ აარიდებს. განცხადება ამის შესახებ საქართველოს ყოფილმა პრეზიდენტმა მიხეილ სააკაშვილმა გააკეთა.
„ბოლო თვეების განმავლობაში უკრაინაში ბევრ ადგილზე ვიყავი და ადამიანები რეფორმებზე საუბრობენ, ადამიანებს სურთ, რომ არ იყოს კორუფცია და რომ არ იყოს ძველი პრაქტიკის გაგრძელება.
სინამდვილეში კი ადამიანების ძალიან მობილიზებულნი არიან ომისათვის თუმცა ყველაზე ნაკლებად სურთ იგი. მაგრამ ეს უკრაინელი ხალხის არჩევანი არაა. მიმაჩნია, რომ რუსეთს პერსპეტივა არ აქვს. პუტინი შევიდა იქ საიდანაც მთელი უკვე ვერავინ გამოდის. ყირიმი მას ისე ადვილად მოეჩვენა, რომ მან ალბათ იფიქრა, რომ ახლ აკიდევ წინ წავა და იქნება ანშლიუსი: უკრაინის აღმოსავლეთი ნაწილი გამოიყოფა, სამხრეთი გამოიყოფა და ყველა დანებდება და დიდი იმპერია აღდგება",_ განაცხადა მან ტელეარხ „უკრაინაზე" საუბრისას.
მისივე თქმით, გაეროში აშშ-ს ელჩმა პირდაპირი ციტირება მოახდინა იმისა, რომ არგუმენტები, რომლებიც ახლა რუსეთს მოჰყავს უკრაინასთან მიმართებაში, მოჰყავს იგივე ჩურკინს, ლავროვს და პუტინის მთელს გარემოცვას - ასევე მოჰყავდათ მათ მაგალითაც საქართველოში შემოჭრის წინ.
„ანუ არაფერი კარგი ამაში არ არის. ამერიკელებმა ეს კიდევ ერთხელ გაიხსენეს, რომ ძალიან მსგავსია სიტუაციები და ძალიან მსგავსია პუტინის ამბიციები და ჩვენ იმედი გვაქვს, რომ უკრაინის შემთხვევაში უარესი თავიდან იქნება აცილებული. თუმცა რა თქმ აუნდა პუტინი სხვა და სხვა ვარიანტებს განიხილავს",_ განაცხადა სააკაშვილმა.
