ჩვენი თავდადებული მეომრების სახელები არასოდეს მიეცემა დავიწყებას, - განაცხადა საქართველოს პრემიერ-მინისტრმა ირაკლი ღარიბაშვილმა მუხათგვერდის ძმათა სასაფლაოზე. მისი თქმით, ხესლიუფლება ძალისხმევას არ იშურებს იმისათვის, რომ დაიძლიოს ომის შედეგები.
"6 წელი გავიდა 2008 წლის აგვისტოს ომიდან. მე ქედს ვიხრი ამ ომის მსხვერპლთა ხსოვნის წინაშე. პატივს მივაგებ ჩვენი გმირი ჯარისკაცების ხსოვნას, რომლებმაც თავი გაწირეს სამშობლოსათვის. მინდა მადლობა ვუთხრა მათ ოჯახებს ასეთი მამულიშვილების აღზრდისათვის და დავარწმუნო, რომ სახელმწიფო ყოველთვის მათ გვერდით იქნება. მჯერა, ჩვენი თავდადებული მეომრების სახელები არასოდეს მიეცემა დავიწყებას", - განაცხადა ღარიბაშვილმა და აღნიშნა, რომ ხელისუფლება ძალისხმევას არ იშურებს იმისათვის, რომ დაიძლიოს ომის შედეგები.