კონგრესმენმა ჯიმ გერლახმა რადიო „ამერიკის ხმის" კორესპონდენტთან ფატიმა ტლისოვასთან საუბარში, სხვა საკითხებთან ერთად, კომენტარი გაუკეთა მიხეილ საკაშვილის წინააღმდეგ მიმართულ ბრალდებებსაც.
ამონარიდი ინტერვიუდან:
შეკითხვა: როგორ შეაფასებდით მიხეილ სააკაშვილის წინააღმდეგ აღძრულ სისხლის სამართლის საქმეს და თქვენი აზრით, რა გავლენას მოახდენს ეს ყველაფერი საქართველოს ურთიერთობაზე დასავლეთთან?
ჯიმ გერლახი: საქართველო ამერიკისათვის ძალიან მნიშვნელოვანი მეგობარი და მოკავშირეა, ამიტომ ქართველები ჩვენს მხარდაჭერას იმსახურებენ.. საქართველომ საკუთარ თავზე გამოსცადა რუსეთის საშინელი აგრესია ვლადიმერ პუტინის ხელმძღვანელობით. ჩვენ, აშშ-ის მთავრობამ და ამერიკელმა ხალხმა, ყველაფერი უნდა გავაკეთოთ ჩვენი შესაძლებლობის ფარგლებში, რომ ქართველ ხალხს დემოკრატიული საზოგადოების მშენებლობაში დავეხმაროთ. რაც შეეხება მიხეილ სააკაშვილის მიმართ აღძრულ საქმეს, მე დეტალებში ჯერ გარკვეული არ ვარ, მაგრამ ჩემთვის სიურპრიზი არ იქნება ის, თუ ექს-პრეზიდენტის წინააღმდეგ მიმართული კრიმინალური ბრალდებები საეჭვო აღმოჩნდება".
