ყოფილი პრეზიდენტის მიხეილ სააკაშვილის ადვოკატი ოთარ კახიძე ,,ჯი-ეიჩ-ენთან" საუბარში აცხადებს, რომ პროკურატურამ მისი დაცვის ქვეშ მყოფის საქალაქო სასამართლოში ჩანიშნული პროცესის შესახებ ინფორმაცია გონივრულ ვადაში არ მიაწოდა.
,,აღნიშნული პროცესის შესახებ ინფორმირებული არ ვიყავი და ჩემი ინფორმირება დაგვიანებით მოხდა. Pპროკურატურა საქმისა კურსში მყავდა ჩაყენებული, რომ ბათუმში სემინარზე ვიყავი და ოთხ საათზე მითხრეს, რომ საქმის მასალები უნდა ჩამებარებინა, სასამართლომ კი ექვს საათზე მაცნობა პროცესის შესახებ", _ განაცხადა ,,ჯი-ეიჩ-ენთან", საუბარში კახიძემ.
მისივე განმარტებით, აღნიშნული მიუთითებს პროკურატურის მოუმზადებლობაზე.
,,უნდათ ჩუმად, ქურდულად ჩაატარონ სასამართლო სხდომა", _განაცახდა ,,ჯი-ეიჩ-ენთან" საუბარში კახიძემ.
მთავარი პროკურატურა ყოფილ მაღლჩინოსებისთვის მიხეილ სააკაშვილისთვის, ზურაბ ადეიშვილისა და დავით კეზერაშვილისთვის აღმკვეთის ღონიძიების სახით პატიმრობის შეფარდებას ითხოვს. როგორც ,,ჯი-ეიჩ-ენს" თბილისის საქალაქო სასამართლოში განუცხადეს აღნიშნულთან დაკავშირებით სხდომა 19:00 საათზე ჩაინიშნა. თუმცა სხდომა 20:00 საათზე გადაიდო , რადაგან მიხეილ სააკაშვილი ადვოკატის ქალაქში არ იმყოფება.
