პარლამენტის თავმჯდომარის დავით უსუფაშვილის განცხადებით, უშიშროების საბჭო დღევანდელ სხდომაზე განიხილა ისეთი მნიშვნელოვანი საკითხი როგორიცაა მოახლოვებული უელსის სამიტი. როგორც უსუფაშვილმა განაცხადა აღნიშნულთან დაკავშირებით მთავრობა, პარლამენტი, პრეზიდენტი შევჯერდნენ ყველა საყურადღებო საკითხზე და სამომავლო გეგმები დასახეს.
,,უშიშროების საბჭოს ძალიან მნიშვნელოვანი საკითხი განიხილა. მოგეხსენებათ უელსის სამიტზე საქართველო ელის ქვეყნისთვის მნიშვნელოვან გადაწყვეტილებებს. ჩვენ უშიშროების საბჭოს ფორმატში მოვისმინეთ შესაბამისი მინისტრების მხრიდან დღევანდელი მდგომარეობის დეტალური ანგარიში. მოგეხსენებათ, საქართველოს მთავრობა, პრემიერ-მინისტრი, მინისტრები ყოველდღიურად მუშაობენ ამ თემაზე. ჩვენც პარლამენტიდან გვიწვეს ამ პროცესებში მონაწილეობა და მე და პარლამენტის თვდაცვისა და უშიშროების კომიტეტის თავმჯდომარე ირაკლი სესიაშვილი ვიყავით უშიშროების საბჭოს სხდომაზე მოწვეული. Pპრეზიდენტი, რომელიც ქვეყნის დელეგაციას წარმოადგენს უელსის სამიტზე ყველა საკითხზე დეტალურად უნდა იყოს ინფორმირებული და დღევანდელი უშიშროების საბჭო ამ მიზანს ემსახურებოდა, ეს მიზანი მიღწეულია. მთავრობა, პარლამენტი, პრეზიდენტი შევჯერდით ყველა საყურადღებო საკითხზე და დავსახეთ მომავლის სამოქმედო გეგმა", _განაცხადა უსუფაშვილმა.