საქართველოში ევროკავშირის წარმომადგენლის ხელმძღვანელის მოადგილე ბორის იაროსევიჩი ყოფილი პრეზიდენტის მიხეილ სააკაშვილის საქმეს ეხმიანება და აცხადებს, რომ მნიშვნელოვანია არ იყოს დაუსჯელობის სინდრომი, მაგრამ არც პოლიტიკური შურისძიების ფაქტები იკვეთებოდეს.
,, ჩვენ ამ საქმეს თვალყურს მივადევნებთ. რა თქმა უნდა, მნიშვნელოვანია არ იყოს დაუსჯელობის სინდრომი, მაგრამ არც პოლიტიკური შურისძიების ფაქტები უნდა ჩანდეს. Eეს ასევე მნიშვნელოვანია ასოცირების ხელშეკრულების ფარგლებში ", _განაცხადა იაროსევიჩმა.
შეგახსენებთ, რომ მთავარი პროკურატურის მიერ გამოტანილი იქნა დადგენილება საქართველოს ყოფილი პრეზიდენტის მიხეილ სააკაშვილის ბრალდებულის სახით სისხლის სამართლის პასუხისგებაში მიცემის შესახებ. საქმე ეხება 2007 წლის 07 ნოემბერს, მომიტინგეთა მასობრივად დარბევას, ტელეკომპანია "იმედში" შეჭრას და არკადი პატარკაციშვილის კუთვნილი ქონების დანაშაულებრივად ხელში ჩაგდებას. სააკაშვილის ადვოკატი ოთარ კახიძე კი მისი დაცვის ქვეშ მყოფისთვის ბრალის წარდგენას პოლიტიკურად მოტივირებულს უწოდებს.
