კოალიცია ,,ქართული ოცნების" დეპუტატი ეკა ბესელია ე.წ. ხურჩის ტერაქტის საქმეზე ბრალდებულ რომან შამათავას ადვოკატის რომეო საჯაიას განცხადებას ეხმიანება და აცხადებს, რომ იგი ბოდიშის მოხდას არ აპირებს.
ბესელია განცხადებით, რომან შამათავა სასამართლომ დამნაშავედ სცნო და იგი არ გამართლებულა.
,,რომან შამათავა სასამართლომ დამნაშავედ სცნო, იგი არ გამართლებულა. იგი სამსახურეობრივი უფლებამოსილების გადამეტების ბრალდებით დამნაშავედ იქნა ცნობილი და სწორედ ხურჩის ეპიზოდთან დაკავშირებით", _განაცხადა ბესელიამ.
მისივე განცხადებით, ხურჩის ტერაქტი დადგმული იყო სწორედ წინა ხელისუფლების მიერ.
,, რაც შეეხება ადვოკატის უკბილო ხუმრობას, ალბათ, თვითონ გაეცინა როცა ამას ამბობდა. ბოდიშის მოხდა არ უშველით. მათ შორის რომეო საჯაიასაც ძალიან ბევრი უკანონო ფაქტთან დაკავშირებით ჰქონდა შეხება, როცა ის როლანდ ახალაისთან ერთად უკანონოდ ახორციელებდა საპროკურორო საქმიანობას. Aასე რომ, ამ საქმეებთან დაკავშირებითაც არსებობს ბევრი კითხვა და ამას მოგვიანებით დაუბრუნდებიან შესაბამისი უწყებები", _განაცხადა ბესელიამ.
ე.წ. ხურჩის ტერაქტის საქმეზე ბრალდებული რომან შამათავას ადვოკატი რომეო საჯაია კოალიცია ,,ქართული ოცნების" დეპუტატ ეკა ბესელიასგან მისი დაცვის ქვეშ მყოფისთვის ბოდიშის მოხდას ითხოვს. როგორც ჟურნალისტებთან ადვოკატმა განაცხადა სასამართლოს გადაწყვეტილებამ დაადასტურა, რომ ტერაქტი აფხაზმა სეპარატისტებმა მოაწყვეს და არა ქართველებმა.
ადვოკატ საჯაიას განცხადებით, დეპუტატმა ეკა ბესელიამ მისი დაცვის ქვეშ მყოფი სასამართლოს გადაწყვეტილების გამოცხადებამდე დაადანაშაულა ტერორისტული აქტის მოწყობაში და ამით უდანაშაულობის პრეზუმცია დაარღვია.
,,სასამართლომ თავისი გადაწყვეტილებით დაადასტურა, რომ ქართველებს არ ჩაუდენიათ ტერაქტი, არამედ ეს ჩაიდინეს აფხაზმა სეპარატისტებმა. აღნიშნულ ბრალდებაში რომან შამათავ გამართლდა. მინდა შეგახსენოთ ეკა ბესელიას და მსგავსი პოლიტიკოსების განცხადებები რომან შამათავასთან მიმართებაში_მან დაადანაშაულა შამათავა ტეროტისტული აქტის მოწყობაში, წინასწარ, სანამ სასამღტლო გადაწყვეტილებას მიიღებდა, ამით ბესელიამ უდანაშაულობის პრეზუმცია დაარღვია. Aმის, გამო რა თქმა უნდა, ვიდავებთ დამ ას ბოდიშის მოხდა მოუწევს", _განაცხადა რომეო საჯაიამ.
თბილისის საქალაქო სასამართლომ ე.წ. ხურჩის ტერაქტის საქმეზე ბრალდებული „კუდის" ყოფილი ხელმძღვანელი რომან შამათავაა ტერორისტული აქტის ჩადენაში უდანაშაულოდ სცნო, ხოლო ულებამოსილების გადამეტების ნაწილში დამნაშავედ.
შეგახსენებთ, რომ ე.წ. ხურჩას ტერაქტის საქმეზე შამათავას ბრალად ტერორისტული აქტის მოწყობა და უფლებამოსილების გადამეტება ედებოდა რაც ოც წლამდე ან უვადო პატიმრობას ითვალისწინებდა.
პროკურატურის ინფორმაციით 2008 წლის 21 მაისს, ზუგდიდის რაიონის სოფელ ხურჩაში მშვიდობიანი მოსახლეობის დაშინების მიზნით, რომან შამათავამ შსს-ს სხვა მაღალი თანამდებობის პირებთან ერთად, ორგანიზება გაუკეთა და განახორციელა ტერორისტული აქტი.
