საქართველოში აშშ-ის ელჩი რიჩარდ ნორლანდი აშშ-ის სახელმწიფო დეპარტამენტის მიერ გავრცელებულ განცხადებას ეხმიანება და აცხადებს, რომ იგი გამოხატავს იმ წუხილს რომელიც გამოთქვა შეერთებულმა შტატებმა საქართველოს ყოფილ პრეზიდენტ მიხეილ სააკაშვილის ბრალდებასთან დაკავშირებით.
მისივე განცხადებით, აუცილებელია დაცული იყოს კანონის უზენაესობა.
,,აშშ-ის სახელმწიფო დეპარტამენტის განცხადებაში ასახულია ის წუხილი, რომელიც გამოთქვა ამერიკის შეერთებულმა შტატებმა ბრალდებასთან დაკავშირებით. აშშ იმედს გამოთქვამს, რომ მოხდება თავიდან აცილება რაიმე სახის შურისძიების სამართლებრივი პროცესის წარმოებისთვის. ჩვენ ამ პროცესს დავაკვირდებით. აუცილებელია კანონის უზენაესობა უზრუნველყოფილი იყოს", _განაცხადა ნორლანდმა.
აშშ-ის სახელმწიფო დეპარტამენტი საქართველოს ყოფილი პრეზიდენტ მიხეილ სააკაშვილისთვის ბრალის წარდგენას ეხმაურება და შეშფოთებას გამოთქვამს მისი სისხლის სამართლებრივ პასუხისგებაში მიცემის გამო.
,,აშშ-ის სახელმწიფო დეპარტამენტი შეშფოთებულია საქართველოს ყოფილი პრეზიდენტის, მიხეილ სააკაშვილის სისხლის სამართლებრივ პასუხისგებაში მიცემის გამო. კანონის უზენაესობის ერთგულება ნიშნავს არა მხოლოდ იმას, რომ დემოკრატიულ საზოგადოებაში ყველამ უნდა დაიცვას კანონი, არამედ იმასაც, რომ სამართლებრივი სისტემა არ უნდა იქნას გამოყენებული პოლიტიკური შურისძიების იარაღად. ჩვენ ამ და სხვა დაკავშირებულ საქმეებს ყურადღებით ვაკვირდებით და ხაზგასმით აღვნიშნავთ სამართლიანი სასამართლოსა და კანონის უზენაესობის პრინციპების განუხრელი დაცვის მნიშვნელობას", - ნათქვამია განცხადებაში.
