„რუსული მხარე თავად არ არის დაინტერესებული აფხაზეთი თავის სახელმწიფოებრიობაში შეითრიოს. აფხაზეთის დამოუკიდებლობა კი განხილვას არ ექვემდებარება",_ აცხადებს რუსულ მედიასთან საუბარში ოკუპირებული აფხაზეთის ე.წ. პრეზიდენტობის ე.წ კანდიდატი რაულ ხაჯიმბა.
„აფხაზეთი დამოუკიდებელი სახელმწიფოა და ეს საკითხი განხილვას არ ექვემდებარება. რაც შეეხება რუსეთთან ურთიერთობებს ჩვენ ღიად ვსაუბრობთ ამ ურთიერთობების გამყარებასა და ინტეგრაციული პროცესების გაძლიერებაზე.
რამდენიმე ხნის წინ ჩვენ წარმოგვადგენდნენ ძალად, რომელიც მზად იყო დაენგრია აფხაზეთის სუვერენიტეტი და დამოუკიდებლობა და აფხაზეთისთვის რუსეთის ფედერაციის შემადგენლობაში შესვლისაკენ ეკრა ხელი. მსგავსი არაფერი!",_ აცხადებს ხაჯიმბა და აღნიშმავს, რომ აფხაზეთს გეზი რუსეთთან კიდევ უფრო მჭიდრო კავშირზე აქვს აღებული.
„დღეისათვის არის მხოლოდ ერთადერთო პოზიცია - ეს რუსეთთან უფრო მჭიდრო კავშირია, მით უფრო, რომ რუსეთის გარდა ჩვენთვის ეკონომიკური და ფინანსურ ხასიათის შესაძლებლობები არავის შეუქმნია. ამიტომაც ვსაუბრობთ ჩვენ მეტ ინტეგრაციაზე ერთობლივ სტრუქტურებში, რომლებიც ჩვენ ჩვენი სუვერენული სახელმწიფოს შენარჩუნებაში დაგვეხმარება. ამასთან ერთად, რუსული მხარე თავად არ არის დაინტერესებული აფხაზეთი თავის სახელმწიფოებრიობაში შეითრიოს",_ აცხადებს ხაჯიმბა.