თბილისის ზოოპარკში განაღმვითი სამუშაოები დასრულებულია. მაზუთის ავზში აღმოჩენილი ჟანგბადის ბალონი განმაღმველებმა ააფეთქეს.
როგორც ჟურნალისტებს საგანგებო სიტუაციათა სამსახურის უფროსმა თემურ გიორგაძემ განუცხადა, ამ დროისთვის ადგილზე გაწმენდითი სამუშაოები მიმდინარეობს.
შეგახსენებთ, რომ ზოოპარკის ტერიტორიაზე მაზუთის ავზში ჟანგბადის ბალონი რამდენიმე საათის წინ, მიმდებარე ტერიტორიაზე მიმდინარე მაგისტრალის მშენებლობაზე მომუშავე ერთ-ერთმა მუშამ აღმოაჩინა.
აღნიშნულის გამო ზოოპარკი ამ დრომდე დაკეტილია.
