თბილისის ზოოპარკში მაზუთის ავზში ჟანგბადის ბალონი აღმოაჩინეს. ამის გამო ზოოპარკი უკვე ერთი საათია დაკეტილია.
ადგილზე სპეციალისტები მუშაობენ. ზოოპარკთან მობილიზებულია საგანგებო სიტუაციათა სამსახურის წარმომადგენლებიც.
სპეციალისტების განცხადებით, მაზუთი და ჟანგბადი შესაძლოა რეაქციაში შევიდეს, რაც აფეთქებას გამოიწვევს. ამის გამო, ადგილზე ამ წუთებში განაღმვითი სამუშაოები მიმდინარეობს.
ზოოპარკის ტერიტორიაზე მაზუთის ავზი უკვე წლებია არსებობს, თუმცა მასში ჟანგბადის ბალონი დღეს, ადგილზე მიმდინარე ახალი მაგისტრალის მშენებლობის დროს, ერთ-ერთმა მუშამ აღმოაჩინა.
ცარიელია თუ არა ჟანგბადის ბალონი ეს შესაბამისი სამუშაოების დასრულების შემდეგ გახდება ცნობილი.
