პარლამენტში სახალხო დამცველის ანგარიშის მოსმენა სიტყვიერი დაპირისპირების ფონზე მიმდინარეობს.
ადამიანის უფლებების დაცვის კომიტეტის თავმჯდომარეს ეკა ბესელიასა და ,,ნაცმოძრაობის" დეპუტატის ჩიორა თაქთაქიშვილს შორის შორის სიტყვიერი დაპირისპირება სწორედ ომბუდსმენის რეკომენდაციების განხილვას მოჰყვა.
სახალხო დამცველის ერთ-ერთი რეკომენდაცია შსს ეხება, რომლის მიხედვით, უწყებას საკუთარი თანამშრომლების მიერ ჩადენილი დანაშაულის გამოძიების უფლება არ უნდა ჰქონდეს. აღნიშნულთან დაკავშირებით საკუთარი პოზიცია დააფიქსირა თაქთაქიშვილმა, რასაც ბესელიას მხრიდან საპასუხო რეაქცია მოჰყვა, რაც შემდეგ პოლიტიკურ ბრალდებებში გადაიზარდა.
,,თქვენ ბრძანდებით ქალბატონო ეკა პროკურატურის ადვოკატი პარლამენტში, თქვენ ბრძანდებით ქურდების ადვოკატი, თქვენ ბრძანდებით პიროვნება რომელიც კრიმინალურ სამყაროს წარმოადგენს და იცავს კრიმინალური პროკურატურის რეჟიმს საქართველოში", _მიმართა თაქთაქიშვილმა ბესელიას.
დაპირისპირების გამო, თაქთაქიშვილმა ადამიანის უფლებათა დაცვის კომიტეტში მიმდინარე სხდომა პროტესტის ნიშნად დატოვა.
მასალის გამოყენების პირობები
