თავისი პოლიტიკისათვის უკრაინასთან მიმართებაში რუსეთი უკვე დიდ საფასურს იხდის, ვინაიდან სანქციებმა ჯერ კიდევ მათი ამოქმედების გარეშეც დაიწყო გავლენა რუსეთის ეკონომიკაზე. ეს განცხადება გერმანიის საგარეო საქმეთა მინისტრმა ფრანკ ვალტერ შტაინმაიერმა გააკეთა.
„სანქციებს შედეგი ჯერ კიდევ შესაბამისი გადაწყვეტილების მიღებამდე მოაქვთ: კაპიტალის გადინება, ეკონომიკის ჩამოშლა, სანქცირებულთა სიები - ეს ყველაფერი უკვე არის და რუსეთი უკვე ახლა იხდის დიდ ფასს თავისი პოლიტიკისათვის",_ განაცხადა მან და აღნიშნა, რომ მიუხედავად ამისა, მოსკოვზე ზეწოლის გაზრდა აუცილებელია.
ამას გარდა, გერმანიის საგარეო საქმეთა მინისტრი სკეპტიკურადაა განწყობილი უკრაინის აღმოსავლეთ ნაწილში გაეროს სამშვიდობო კონტიგენტის გაგზავნაზე.
„გაეროს მისიას ძალის გამოყენების მკაფიო მანდატი სჭირდება, რომელიც გაეროს უშიშროების საბჭოს მიერ უნდა იქნეს მიღებული, მათ შორის რუსეთის მიერ", - აცხადებს მინისტრი. ამგვარ შესაძლებლობას კი შტაინმაიერი ჯერ ვერ ხედავს.
