ჯანდაცვის მინისტრის დავით სერგეენკოს განცხადებით, სამთავრობო ცვლილებები ლოგიკური იყო, რადგან გამოწვევები იცვლება და ახალი რეალობები ჩნდება.
სერგეენკოს განცახდებით, მისთვის უცნობია მინისტრთა კაბინეტის ახალი შემადგენლობის ვინაობა.
,,გამოწვევები იცვლება, ჩნდება ახალი რეალობები და მე ვფიქრობ, რომ ეს ცვლილებები ლოგიკური იყო. რაც შეეხება მინისტრობის ახალ კანდიდატებს, ამ წუთის მდგომარეობით ჩემთვის უცნობია ეს კანდიდატები", - აღნიშნა დავით სერგეენკომ.
შეგახსენებთ, რომ პრემიერ-მინისტრმა ირაკლი ღარიბაშვილმა გუშინ შვიდი მინისტრი დაკავებული თანამდებობიდან გაათავისუფლა.