თურქეთმა საბაჟო კავშირის წევრებთან: რუსეთთან, ბელორუსთან და ყაზახეთთან თავისუფალი სავაჭრო ზონის საკითხის ინიცირება მოახდინა. აღნიშნულის შესახებ მედიას ინფორმაცია რუსეთის ეკონომიკური განვითარების მინისტრმა ალექსეი ულიუკაევმა თურქეთის ეკონომიკის მინისტრთან შეხვედრის შემდეგ მიაწოდა.
თურქეთი, ულიუკაევის განმარტებით, საბაჟო კავშირთან უფრო მჭიდრო თანამშრომლობის მომხრეა.
„ჩვენ განვიხილეთ თანამშრომლობის სხვადასხვა ფორმა, ასევე თურქეთის მიერ საბაჟო კავშირთან თავისუფალი სავაჭრო ზონის შექმნაც. გადაწყდა, რომ შეიქმნება სამუშაო ჯგუფი და ამ მიმართულებით მუშაობა უკვე სექტემბრიდან დაიწყება"- განაცხადა ულიუკაევმა G20-ის მინისტრებთან შეხვედრის შემდგომ,
თურქეთს ამ დროისათვის თავისუფალი ვაჭრობა აქვს ევროკავშირთან.
