,,შემოდგომაზე იგეგმება მნიშვნელოვანი გადაწყვეტილებები მთავრობაში. პირველ რიგში, ჩემი აზრით, ეს იქნება ირაკლი ალასანია", _განაცხადა ,,ნაცმოძრაობის" წევრმა ნუგზარ წიკლაურმა, რომელიც ,,ჯი-ეიჩ-ენის" შეკითხვას, რატომ ფიქრობს, რომ პრემიერ-მინისტრი მაინც და მაინც თავდაცვის მინისტრს გათავისუფლებს პასუხობს:
,, ვხედავ, რომ უთანხმოება არსებობს მინისტრთა კაბინეტში და ეს უთანხმოება არ გადის არც გოგალაძეზე და არც სურგულაძეზე. შემოდგომაზე მოახლოვებული იქნება 2016 წლის საპარლამენტო არჩევნები და კოალიციაში, რა თქმა უნდა, გადანაცვლებები დაიწყება. იქამდე კი აღმასრულებელი ხელისუფლება იზრუნებს იმაზე რომ ,,ქართული ოცნების" ერთიანი ვერტიკალი ჩამოაყალიბოს. ერთიან ვერტიკალში ძნელად წარმოსადეგია რამდენიმე ჯგუფი, შესაბამისად ამ ჯგუფის ხელმძღვანელებსაც პრობლემები შეექმნებათ. მოგეხსენებათ ,,რესპუბლიკებს" უფრო მყარად აქვთ საპარლამენტო პოზიციები და ამაზე რეაგირება რთულია სამთავრობო გუნდისთვის. რაც შეეხება ,,თავისუფალ დემოკრატები" ისინი უფრო სამთავრობო გუნდში არიან წარმოდგენილი. ვფიქრობ, არავინ არ დაუშვებს, რომ რაიმე სახის პოლიტიკური განსხვავებები იყოს შემდგომ არჩევნებზე", _განაცხადა წიკლაურმა ,,ჯი-ეიჩ-ენთან" საუბარში.