,,ნაცმოძრაობის" წევრი ნუგზარ წიკლაური ,,ჯი-ეიჩ-ენთან" საუბარში აცხადებს, რომ მინისტრთა კაბინეტის შემადგენლობაში შვიდი მინისტრის შეცვლა ვერ მოაგვარებს იმ პრობლემებს რაც ქვეყნის წინაშე დგას.
,აღმასრულებელი ხელისუფლების წინაშე მდგარი პრობლემები ყველასთვის ცნობილია, ეს არის უმუშევრობა, პრობლემები ენერგეტიკაში, კრიმინალის ზრდასთან დაკავშირებით. Aამ მიმართულებით არც ერთი ცვლილება არ განხორციელებულა და მიმაჩნია, რომ მინისტრთა კაბინეტის შემადგენლობაში შვიდი მინისტრის შეცვლა ვერ მოაგვარებს იმ პრობლემებსა და გამოწვევებს რაც აღმასრულებელი ხელისუფლებისა და ქვეყნის წინაშე დგას. Mმგონია, რომ აღნიშნული ცვლილება განპირობებულია იმით, რომ სავარაუდოდ, შემოდგომით როცა დაგეგმილია უფრო მნიშვნელოვანი ცვლილებები მინისტრთა კაბინეტის შემადგენლობაში პრემიერს აღარ ჰქონდეს აუცილებლობა, პრეზიდენტთან ერთად სამთავრობო ცვლილებები შემოიტანოს პარლამენტში", _განაცხადა ,,ჯი-ეიჩ-ენთან" საუბარში წიკლაურმა.
მისივე განცხადებით, ,,ნაცმოძრაობა" პარლამენტში მინისტრთა კაბინეტის ახალ შემადგენლობას მხარს არ დაუჭერს.