,,ეროსი კიწმარიშვილი და "თვითმკვლელობა" ჩემთვის სრულიად შეუთავსებელია ერთმანეთთან", - განაცხადა ყოფილმა პრეზიდენტმა მიხეილ სააკაშვილმა ,,რუსთავი-2"-ის ეთერში ყოფილი დიპლომატის ეროსი კიწმარიშვილის საქმის შეფასებისას.
მისივე განცხადებით, კიწმარიშვილის სიცოცხლის პირობებში "რუსთავი 2"-ის ,,წაღება„ საკმაოდ გართულდებოდა.
,,რუსთავი- 2" რჩება ერთმნიშვნელოვნად მთავარი სამიზე რუსი ოლიგარქის და ასევე იმ ხალხის ვისგანაც ის იღებს ინსტრუქტაჟს, თუ რჩევებს. ის, რომ "რუსთავი 2", მისი სამიზნეა, ეს ჩემთვის მას ნათქვამი აქვს რამდენჯერმე, მათ შორის 2012 წლის არჩევნების შემდეგ, პირდაპირ თვალებში ყურებით და რამდენჯერმე აქვს დაბეჯითებით ნათქვამი, რომ ის ამ ტელევიზიას წაიღებს. მე არც ვჭორაობ, ეს არის ის, რაც მან თქვა არაერთხელ, მათ შორის საჯაროდ. ის, რომ ეროსი კიწმარიშვილი ამ პროცესს არ ეთანხმებოდა და ის, რომ რეალურად იყო "რუსთავი 2"-ის შემქმნელი კოლექტივთან ერთად, ეროსი ამაზე ძალიან აქტიურად საუბრობდა. ეროსი კიწმარიშვილის სიცოცხლის პირობებში "რუსთავი 2"-ის წაღება საკმაოდ გართულდებოდა", - განაცხადა კიწმარიშვილმა.
შეგახსენებთ, რომ რუსთავის მერობის ყოფილი კანდიდატი ეროსი კიწმარიშვილი 15 ივლისს მისსავე ავტოფარეხში, გარდაცვლილი იპოვნეს. კიწმარიშვილის საქმესთან დაკავშირებით გამოძიება სსკ 115-ე მუხლით მიმდინარეობს, რაც თვითმკვლელობამდე მიყვანას გულისხმობს.
