ლიტვის რეპუბლიკის სეიმმა საქართველოს, უკრაინასა და მოლდოვას ევროკავშირთან ასოცირების შესახებ შეთანხმებების რატიფიცირება მოახდინა. შეთანხმებების რატიფიცირებას ლიტვის საკანონმდებლო ორგანომ თითქმის, ერთხმად დაუჭირა მხარი.
აღსანიშნავია, რომ ჯერ კიდევ 8 მაისს ლიტვის რესპუბლიკის სეიმმა მიიღო რეზოლუცია საქართველოსთან, მოლდოვასთან და უკრაინასთან ევროკავშირის ასოცირების ხელშეკრულებების, ღრმა და ყოვლისმომცველი თავისუფალი ვაჭრობის ზონების ჩათვლით, ხელმოწერის, რატიფიკაციისა და იმპლემენტაციის შესახებ. ამის შესაბამისად, ლიტვის სეიმმა გამოთქვა სრული მზადყოფნა საქართველო-ევროკავშირის ასოცირების ხელშეკრულების დაჩქარებულ რატიფიცირებასთან დაკავშირებით.
