,,ნაცმოძრაობა" კოალიცია ,,ქართული ოცნების" თბილისის მერობის კანდიდატს დავით ნარმაინას დებატების გამართვას, 9 ივლისს სთავაზობს. პარტიის ოფისში გამართულ პრესკონფერენციაზე ,,ნაცმოძრაობის" დეპუტატმა ირმა ნადირაშვილმა ხელისუფლებას მოუწოდა დებატები პოლიტიკური სპეკულაციის საგანი არ გახადოს.
,,ერთიანი ნაციონალური მოძრაობა", როგორც კონსტრუქციული პოლიტიკური ძალა, მონაწილეობს იმ მოლაპარაკებებში რომელიც დებატების გამართვასთან დაკავშირებით, საარჩევნო სისტემების საერთაშორისო ფონდის შუამავლობით მიმდინარეობს. ვაცხადებთ ჩვენს მზაობას დებატები შედგეს ოთხშაბათს, 9 ივლისს ყველა ნაციონალური არხის ეთერში პირდაპირი ტრანსლაციით", _განაცხადა ნადირაშვილმა.
შეგახსენებთ, რომ გუშინ ,,ნაცმოძრაობის" თბილისის მერობის კანდიდატმა ნიკა მელიამ კოალიცია ,,ქართული ოცნების" მერობის კანდიდატს დავით ნარმნაიას დებატებში მონაწილეობისკენ კიდევ ერთხელ მოუწოდა. 4 ივლისს კოალიცია ,,ქართული ოცნების" მერობის კანდიდატმა დავით ნარმანიამ ,,ნაცმოძრაობის" მერობის კანდიდატს ნიკა მელიას დებატების გამართვა საერთაშორისო ორგანიზაციების მონაწილეობით შესთავაზა და აღნიშნულის შესახებ მიმართვაც გაავრცელა. მელია ნარმანიას ამ შეთავაზებას დასთანხმდა და განაცხადა, რომ მზადაა ნარმანისთვის სასურველ დებატების ფორმატში მიიღოს მონაწილეობა. თუმცა ამ დრომდე დებატები ჯერ არ გამართულა.