.,ნაცმოძრაობის" თბილისის მერობის კანდიდატი ნიკა მელია კოალიცია ,,ქართული ოცნების" მერობის კანდიდატს დავით ნარმნაიას დებატებში მონაწილეობისკენ კიდევ ერთხელ მოუწოდებს.
მელია იმედს გამოთქვამს, რომ არჩევნებამდე ნარმანია სურვილს გამოთქვამს და დებატებში მონაწილეობას მიიღებს.
,,სამწუხაროდ, წერილი, რომელზეც ბატონი ნარმანია საუბრობდა, თითქოს მან ჩვენ გამოგვიგზავნა დებატებთან დაკავშირებით და ელოდებოდა ჩვენგან პასუხს, ამ წუთამდე არ მიმიღია. მე მოვუწოდებ ბატონ ნარმანიას, რომ ეპისტოლარულ ჟანრში ურთიერთობას და მიმოწერას სჯობია, უბრალოდ იმ ტელეკომპანიებში მივიდეთ, საიდანაც დიდი ხანია მოწვევა მიღებულია. იმედს ვიტოვებ, რომ დარჩენილ 5 დღეში იგი თანხმობას განაცხადებს - ჩვენ ერთად დავსხდებით და შედგება ის დებატები, რომელიც თბილისელებს სჭირდებათ"_განაცხადა მელიამ.
შეგახსენებთ, რომ 4 ივლისს კოალიცია ,,ქართული ოცნების" მერობის კანდიდატმა დავით ნარმანიამ ,,ნაცმოძრაობის" მერობის კანდიდატს ნიკა მელიას დებატების გამართვა საერთაშორისო ორგანიზაციების მონაწილეობით შესთავაზა და აღნიშნულის შესახებ მიმართვაც გაავრცელა. მელია ნარმანიას ამ შეთავაზებას დასთანხმდა და განაცხადა, რომ მზადაა ნარმანისთვის სასურველ დებატების ფორმატში მიიღოს მონაწილეობა. თუმცა ამ დრომდე დებატები ჯერ არ გამართულა.
