საგარეო უწყების მიერ ორგანიზებული ტრადიციული ,,ამბასადორიალი" სექტემბრის ნაცვლად, აგვისტოს დასაწყისში გაიმართება. როგორც ჟურნალისტებთან შეხვედრისას საგარეო საქმეთა მინისტრმა მაია ფანჯიკიძემ განაცხადა ამის მიზეზი სექტემბრის დასაწყისში დაგეგმილი ნატოს სამიტია.
,,4-7 აგვისტოს ვატარებთ ტრადიციულ ,,ამბასადორიალს", რომელიც გაიმართება სასტუმრო ,,ქორთიარდ მარიოტში". ,,ამბასადორიალის", დაწვრილებითი პროგრამის შესახებ ინფორმაციას დროულად მოგაწვდით. წელს ამბასადორიალი სამი დღის მაგივრად იქნება ოთხდღიანი და იმედი მაქვს, იგი იქნება ისეთივე საინტერესო როგორც გასულ წელს. ჩვენ წელს ,,ამბასადორილას" ვატარებთ უფრო ადრე აგვისტოს დასაწყისში და არა სექტემბრის დასაწყისში, რადგან სექტემბრის დასაწყისში არის ნატოს სამიტი და იმისთვის, რომ უკეთესად მოვემზადოთ ამ მნიშვნელოვანი ღონისძიებისთვის გვჭირდება ჩვენი ელჩების ადგილზე ყოფნა და ასევე ,,ამბასადორიალაზე" მოსმენილი ანალიზის გადამუშავება", _განაცხადა ჟურნალისტებთან შეხვედრისას ფანჯიკიძემ.
