სსიპ ფინანსთა სამინისტროს მომსახურების სააგენტოს ელექტრონული აუქციონების ვებ-გვერდი www.eauction.ge უძრავ-მოძრავი ქონების შეძენისა და გაყიდვის მოხერხებული პროცედურების შეთავაზების მიზნით, მოხმარებელს სთავაზობს ახალ სერვისს.
სააგენტოს ახალი სერვისია - აუქციონის შეტყობინებები, რაც მომხმარებლებს საშუალებას აძლევს უფრო კომფორტულად იგრძნონ თავი აუქციონში მონაწილეობის დროს, კერძოდ, აუქციონის მსვლელობისას, თუ მომხმარებელი არ იმყოფება პერსონალურ კომპიუტერთან, იგი მობილურ ტელეფონზე მიიღებს შეტყობინებას იმის შესახებ, რომ კონკრეტულ აუქციონზე სხვა მომხმარებლის მხრიდან განხორციელდა მის მიერ დადებული ფასის ზრდა.
ამასთან, მომხმარებელს ეძლევა შესაძლებლობა, აუქციონის დასრულებამდე სასურველი დროით ადრე eauction.ge შეტყობინებით მიიღოს ინფორმაცია აუქციონის დასრულების შესახებ.
აღნიშნული სერვისის მეშვეობით, მომხმარებელს არასოდეს გამოეპარება აუქციონის დასრულების დრო და სხვა მონაწილის მიერ ბიჯის გაზრდა.
ფინანსთა სამინისტროს მომსახურების სააგენტოს მიზანია მომხმარებელი იყოს მუდამ ინფორმირებული და მას აუქციონებში მონაწილეობისათვის შეექმნას მაქსიმალურად კომფორტული პირობები.
