საქართველოს ყოფილმა პრეზიდენტმა მიხეილ სააკაშვილმა და უკრაინის შს მინისტრმა არსენ ავაკოვმა უკრაინის აღმოსავლეთ ნაწილში მიმდინარე ანტიტერორისტული ოპერაციის მსვლელობა განიხილეს.
შეხვედრის ამსახველი რამდენიმე ფოტო მიხეილ სააკაშვილის პირად გვერდზე „ფეისბუკშია" განთავსებული.
„მინისტრმა სააკაშვილს ტერორისტული ოპერაციის ზონაში შექმნილი მდგომარეობა გააცნო,_ ნათქვამია გავრცელებულ ინფორმაციაში.
აღსანიშნავია, რომ საქართველოს ყოფილ პრეზიდენტს მიხეილ სააკაშვილს, რომელიც უკრაინაში იმყოფება არაერთგზის განუცხადებია, რომ ამჟამად უკრაინის აღმოსავლეთში მიმდინარე მოვლენები ძალიან ჰგავს აფხაზეთის მოვლენებს, რომლებიც საქართველოში 90-იანი წლების დასაწყისში ვითარდებოდა.
