კომპანია Open Kiev , რომელიც წარმატებულად მუშაობს უკრაინის ტურისტულ ბაზარზე, საქმიანობას ბათუმშიც იწყებს. კომპანია ტურისტებსა და ბათუმის მოსახლეობას სთავაზობს რეგულარულ საექსკურსიო ტურებს ორსართულიანი ავტობუს-კაბრიოლეტით. როგორც აჭარის ტურიზმის დეპარტამენტში განმარტავენ. დამსვენებლებს სხვადასხვა გასართობ და შემეცნებით აქტივობებთან ერთად შესაძლებლობა მიეცემათ გაეცნონ ქალაქის უძველეს ისტორიას და დატკბნენ ზღვისპირა ჰაერით. ტური ჩაწერილია სამ ენაზე: ინგლისური, თურქული და რუსული. უახლოეს მომავალში ტურები ქართულ და უკრაინულ ენებზეც დაემატება.

სეზონზე დღეში 5-მდე საექსკურსიო ტურის განხორცილებაა დაგეგმილი დილისა და საღამოს საათებში.

Open Batumi  უკრაინული Open Kiev-ის შვილობილი კომპანიაა, რომელიც 2010 წლიდან არის ორსართულიანი ავტობუს-კაბრიოლეტის ოპერატორი ქალაქ კიევში. 2012 წლიდან კომპანია მუშაობს მსოფლიოში ცნობილი ბრენდისთვის CitySightseeing, რამაც საშუალება მისცა მიეღო საერთაშორისო გამოცდილება ან ინდუსტრიის ლიდერი კომპანიებისგან.