რუსეთის პრეზიდენტი ვლადიმერ პუტინი დონბასში ცეცხლის განახლებაზე სრულ პასუხისმგებლობას უკრაინის პრეზიდენტს პეტრო პოროშენკოს აკისრებს. ინფორმაციას ამის შესახებ რუსული მედია ავრცელებს.
პუტინი მიიჩნევს, რომ თავისი გადაწყვეტილებით, აღარ გაეგრძელებინა ცეცხლის შეწყვეტის რეჟიმი პოროშენკომ სამხედრო მოქმედებების განახლებაზე პასუხისმგებლობა აიღო.
„სამწუხაროდ, პრეზიდენტმა პოროშენკომ საბრძოლო მოქმედებების განახლების გადაწყვეტილება მიიღო და ჩვენ - მხედველობაში მაქვს ჩემი თავიც და კოლეგები ევროპიდან - ვერ შევძელით დაგვერწმუნებინა ის, იმაში, რომ გზა, მყარი და ხანგრძლივვადიანი მშვიდობისკენ შეუძლებელია ომზე გადიოდეს",_ განაცხადა ვლადიმერ პუტინმა რუსეთის ელჩებთან შეხვედრისას და აღნიშნა:
„აქამდე პოროშენკოს მაინც არ ჰქონდა პირდაპირი კავშირი ბრძანებებთან სამხედრო მოქმედებების დაწყების შესახებ, მაგრამ ახლა მან ეს პასუხისმგებლობა სრულად აიღო და აიღო არა მხოლოდ სამხედრო, არამედ პოლიტიკური პასუხისმგებლობა რაც კიდევ უფრო მნიშვნელოვანია",_ განაცხადა პუტინმა.
