მეტროსადგურ უნივერსიტეტის მშენებლობასთან დაკავშირებით მუნიციპალური განვითარების ფონდმა ტენდერი გამოაცხადა. ამის შესახებ დღეს საქართველოს რეგიონული განვითარებისა და ინფრასტრუქტურის მინისტრმა, ელგუჯა ხოკრიშვილმა და საქართველოს მუნიციპალური განვითარების ფონდის აღმასრულებელი დირექტორის მოადგილე ილია დარჩიაშვილმა საზოგადოებას ინფორმაცია მიაწოდეს. მინისტრმა და ფონდის დირექტორის მოადგილემ კომპანიებს ტენდერში მონაწილეობისკენ მოუწოდეს. ამასთან, ხოკრიშვილმა და დარჩიაშვილმა საზოგადოებას ის ვიზუალური მასალა გააცნეს, სადაც ნაჩვენებია, თუ როგორი იქნება მეტროსადგური მშენებლობის დასრულების შემდეგ.
"სხვადასხვა პოლიტიკური პარტიები მეტროსადგურ უნივერსიტეტის მშენებლობას პოლიტიკური ჭრილში იყენებენ და აცხადებენ, რომ პროექტი შეჩერებულია, რაც სიმართლეს არ შეესაბამება. რეალურად პროექტი წარმატებით ხორციელდება, თქვენ იცით რომ მუნიციპალური განვითარების ფონდმა გამოაცხადა საერთაშორისო ტენდერი სამშენებლო სამუშაოებზე და 2 წელიწადში თბილისში ახალი , საერთაშორისო სტანდარტის მეტროსადგური იქნება, რაც ძალიან მნიშვნელოვანია ქალაქის განვითარებისთვის და მოსახლების უსაფრთხო გადააგილების თვალსაზრისით",- განაცხადა ინფრასტრუქტურის მინისტრა ჟურნალისტებთან საუბრისას.
თბილისის მეტროპოლიტენის ახალი სადგურის მშენებლობაზე საერთაშორისო ტენდერი გამოცხადდა, შესაბამისად, დაინტერესებულ კომპანიებს სატედერო წინადადების წარდგენა 45 დღის განმავლობაში შეეძლებათ. სატენდერო დოკუმენტაციის შეფასებასა და გამარჯვებულის გამოვლენასთან დაკავშირებული ყველა გადაწყეტილება ფონდის მიერ აზიის განვითარების ბანკთან შეთანხმდება და ამის შემდეგ გამოვლინდება გამარჯვებული კომპანია, რომელთანაც ხელშეკრულება გაფორმდება. გამარჯვებულ კომპანიას სამშენებლო სამუშაოების განსახორციელებლად ორწლიანი ვადა ექნება.
მეტროსადგურის მშენებლობა 20 წლის განმავლობაში იყო გაჩერებული პროექტი, რომელიც სულ მალე ამოქმედდება და რომლის განხორციელებაც მნიშვნელოვან როლს შეასრულებს საქართველოს დედაქალაქის განვითარებაში. თბილისის მეტროპოლიტენის ახალი სადგურის მშენებლობას აზიის განვითარების ბანკი აფინანსებს.
თბილისის მეტროპოლიტენის მეორე ხაზის მშენებლობის დასრულება თბილისელებს სწრაფი და უსაფრთხო გადაადგილების საშუალებას მისცემს. ახალი მეტროსადგური განტვირთავს მიწისზედა ტრანსპორტის ნაკადებს და მნიშვნელოვნად შეუწყობს ხელს ურბანული ტრანსპორტის შემდგომ განვითარებას.
პროექტის ფარგლებში რეაბილიტაცია ჩაუტარდება გვირაბებს, საერთო სიგრძით - 2.6 კმ. მშენებლობის ფარგლებში მოეწყობა სადგურის მიწისქვეშა და მიწისზედა შენობები, ამოსასვლელები ვაჟა -ფშაველას გამზირსა და სანდრო ეულის ქუჩაზე. გაკეთდება სალიანდაგო ხაზები, მოეწყობა ელექტროქვესადგური, ესკალატორები, სავენტილაციო და სადრენაჟე სისტემები, ასევე - სიგნალიზაციის მართვისა და ხანძარსაწინაღდეგო სისტემები, გაკეთდება სათადარიგო ამოსასვლელები. მშენებლობის ხანგრძლივობა 24 თვეა. შედეგად, დედაქალაქის მოსახლეობას ახალი თანამედროვე სტანდარტების მეტროსადგური მოემსახურება.
მშენებლობის შედეგად, „დელისისა" და „ვაჟა-ფშაველას' მეტროსადგურებს შორის ამუშავდება მეორე, აქამდე არარსებული გვირაბი, დედაქლაქში არსებულ 22 მეტროსადგურს კი, ახალი 23-ე სადგური დაემატება. მეტროსადგურის პროექტი ესპანურმა საკონსულტაციო ფირმმა „ეუროესტუდიომ" მოამზადა. პროექტს გავლილი აქვს ქართული კანონმდებლობით გათვალისწინებული ექსპერტიზა. ქართული ექსპერტიზის გარდა, პროექტი დამოუკიდებლემა იტალიელმა ექსპერტმაც შეაფასა. პროექტის დეტალები ასევე შეთანხმებულია თბილისის სატრანსპორტო კომპანიასთან.
