საქართველოს ბანკის უნივერსიტეტმა, მაგისტრატურაზე ბიზნესის ადმინისტრირებაში (MBA) აბიტურიენტების მიღების დაწყების შესახებ განაცხადა. საქართველოს ბანკის უნივერსიტეტი, მაგისტრატურაზე ბიზნესის ადმინისტრირებაში ფინანსების დარგში, წელს სექტემბერში 50 აბიტურიენტს მიიღებს. საქართველოს ბანკის უნივერსიტეტის ორწლიანი მაგისტრატურა ბიზნესის ადმინისტრირებაში სტუდენტებს არაერთ უპირატესობას აძლევს, მათ შორისაა: კარიერული წინსვლა და უკეთესი პირობებით დასაქმების პერსპექტივა, პრაქტიკისა და თეორიის საუკეთესო ბალანსი, რეალური კონტაქტების დამყარების შესაძლებლობა წარმატებულ ადამიანებთან, დასავლური განათლების მიღება საქართველოში და სრული დაფინანსების შესაძლებლობა.
საქართველოს ბანკის უნივერსიტეტის მაგისტრატურაზე ბიზნესის ადმინისტრირებაში ჩარიცხული 50 სტუდენტიდან, 10 საუკეთესო მიიღებს 100%-იან დაფინანსებას საქართველოს ბანკისგან. შემდეგი 20 სტუდენტი კი სწავლის საფასურის დაფარვას დაიწყებს სწავლის დასრულებიდან 1 წელიწადში და გადასახადი გადანაწილდება 4 წელზე. საქართველოს ბანკის უნივერსიტეტის სწავლის პერიოდში, სტუდენტები გაივლიან პრაქტიკას წამყვან კომპანიებში და ექნება შესაძლებლობა ჩაერთონ რეალური ბიზნესის წარმართვის პროცესში. სტუდენტები ისწავლიან 2013-2014 წლებში შექმნილი უახლესი სასწავლო მასალებით, რომელიც უფასოდ გადაეცემათ. დამატებით კი ყველა სტუდენტს საშუალება ექნება დაესწროს, უნივერსიტეტის ტრენინგცენტრის ტრენინგებს შემდეგ მიმართულებებში: დროის მართვა, ლიდერობა, გაყიდვები, მოლაპარაკების წარმოება, პრეზენტაციის ტექნიკა და სხვ. უნივერსიტეტში მიღებული უნიკალური პრაქტიკული გამოცდილება და თანამედროვე თეორიული ცოდნა თითოეულ სტუდენტს მიცემს რეალურ შანსს დასაქმდეს ბიზნესის ინდუსტრიაში და მიაღწიოს კარიერულ წინსვლას.
საქართველოს ბანკის უნივერსიტეტის მიზანია ხელი შეუწყოს ქვეყანაში ფინანსური განათლების სფეროში მაღალი სტანდარტის დამკვიდრებას, ფინანსური განათლების გავრცელებას და მასზე ხელმისაწვდომობის ზრდას.
საქართველოს ბანკის უნივერსიტეტის მაგისტრატურაზე ბიზნესის ადმინისტრირებაში დამატებითი ინფორმაციისთვის, ეწვიეთ: www.mba.edu.ge
