30 ივნისს, 16:00 საათზე, საზოგადოებრივი მაუწყებლის სააქტო დარბაზში ასოციაცია „კულტურათა დიალოგი-XXI" თემაზე საერთაშორისო კონფერენცია „არგო 2014- ლეგენდის გაცოცხლება" პრესკონფერენციას გამართავს.
პრესკონფერენციას დაესწრება ტიმ სევერინი და მისი 8 არგონავტი ირლანდიიდან,ინგლისიდან, ავსტრალიიდან და თურქეთიდან.
კონფერენციის ორგანიზატორები არიან: ტურიზმის ეროვნულ ადმინისტრაცია, თბილისის ივანე ჯავახიშვილის სახელობის სახელმწიფო უნივერსიტეტი, ს.ჯანაშიას სახელობის საქართველოს ეროვნული მუზეუმი და ასოციაცია "კულტურათა დიალოგი XXI" .
კონფერენციის ფარგლებში დაგეგმილია ღონისძიებები: თბილისში, მცხეთაში, დმანისში, ვანში, ქუთაისში, მესტიასა და ველისციხეში. კონფერენციის მიზანია უკეთ გააცნოს საზოგადოებას დღევანდელი საქართველო, მისი მიღწევები, კულტურა, მეცნიერული და ტურისტული პოტენციალი.
