ავიაკომპანია „დნეპრავია" ოდესიდან ბათუმის მიმართულებით ფრენებს იწყებს. როგორც უკრაინული მედია წერს, ავიაკომპანია ოდესა-ბათუმის მიმართულებით ფრენებს 18 ივლისიდან დაიწყებს. უკრაინული მედიის ინფორმაციითვე, ეს არის პირველი ავიარეისი, რომელიც უკრაინის ქალაქ ოდესას ზოგადად საქართველოსთან დააკავშირებს.
ოდესიდან ბათუმის მიმართულებით ავიარეისები ხუთშაბათობით Embraer 145 ტიპის, 48 ადგილიანი, ხომალდებით განხორციელდება. რაც შეეხება ბათუმიდან ოდესის მიმართულებით ისიც ხუთშაბათობით შესრულდება. ბათუმი-ოდესას ავიარეისის ხანგრძლივობა 1 საათზე მეტ ხანს გასტანს.
ბათუმი-ოდესას რეისი „დნეპრავიასათვის" საქართველოს მიმართულებით ეს უკვე მეხუთე მიმართულება იქნება. აღსანიშნავია, რომ „დნეპრავია" უკვე ახორციელებს რეისებს ბათუმსა და თბილისში დნეპროპეტროვსკიდან და ხარკოვიდან. უკვე ცნობილია, რომ 27 ივლისიდან ავიაკომპანია ბათუმის მიმართულებით სიხშირეების დამატებას აპირებს.