საქართველომ, კარგი ქვეყნების რეიტინგში (The Good Country Index)
125 ქვეყანას შორის 77-ე ადგილი დაიკავა.
რეიტინგის ავტორია ბრიტანელი საიმონ ანჰოლტი და მან ეს რეიტინგი საიტზე goodcountry.org-ზე გამოაქვეყნა.
ყოფილი საბჭოთა კავშირის რესპუბლიკებს შორის რეიტინგის ლიდერი ესტონეთია -34-ე ადგილზე. მოლდოვა -60-ე ადგილზეა, ლიტვა-69-ზე, სომხეთი-72-ზე, ყირგიზეთი-74-ზე, ყაზახეთი -80-ზე, ბელორუსი - 82-ზე და ლატვია 83-ზე. ყოფილ საბჭოთა რესპუბლიკებს შორის რეიტინგის ბოლოს აღმოჩნდა აზერბაიჯანი 122-ე ადგილით.
უკრაინა მოხვდა საუკეთესო ქვეყნების ასეულში და დაიკავა 99-ე ადგილი. რუსეთი მოხვდა ჰონდურასს და კონგოს შორის და 95-ე ადგილზე განთავსდა.
საუკეთესო ქვეყნად აღიარეს ირლანდია. პირველ ათეულში ასევე შევიდა 8 დასავლეთ ევროპული ქვეყანა და ახალი ზელანდია. სია დაასრულა ერაყმა 123-ე, ვიეტნამმა 124-ე და ბოლოს ლიბიამ 125-ე ადგილით.
რეიტინგი შედგენილია მსოფლიოში ქვეყნების წვლილის მიხედვით. რეიტინგის შედგენისას გამოყენებულია გაეროს, მსოფლიო ბანკის და სხვადასხვა არასამთავრობო ორგანიზაციების კვლევები. გათვალისწინებული იქნა მედიის თავისუფლების ხარისხი და ლტოლვილთა რაოდენობა, რომლებმაც მიიღეს თავშესაფარი ამ ქვეყნებში, იარაღის ექსპორტის მოცულობა და ნობელის პრემიების რაოდენობა. ქვეყნების რეიტინგი ასევე დალაგდა მათი წვლილის მიხედვით მსოფლიოს კულტურის, მეცნიერებისა და ტექნიკის დარგებში.