ქაიროს მეტროში ოთხი აფეთქება მოხდა. ინფორმაციას ამის შესახებ „ასოშიეიტედ პრესი" ავრცელებს. ბომბები მეტროსადგურებში აფეთქდა. მსხვერპლის შესახებ ინფორმაცია ჯერ არ არსებობს. ცნობილია მხოლოდ ის, რომ დაჭრილია ორი ადამიანი.
„ალ არაბიას" ინფორმაციით, პოლიციამ აფეთქების შემდეგ რამდენიმე მეტროსადგური დაკეტა. აღსანიშნავია, რომ ქაიროს მეტრო სამი ხაზისაგან შედგება. მისი სიგრძე მთლიანობაში 78 კილომეტს შეადგენს.
ეგვიპტეში მიმდინარე წლის პირველ ნახევარში მოხდა რამდენიმე ტერაქტი, რომელთა ორგანიზებაშიც მოძრაობა „ძმები-მუსულმანები" არიან ეჭვმიტანილნი. ეგვიპტის სასამართლომ მოძრაობა „ძმები მუსულმანები" ტერორისტულ ორგანიზაციას გამოაცხადა და მისი საქმიანობა აკრძალა.
მასალის გამოყენების პირობები
