რუსთავში საფეიქრო საწარმოს მშენებლობა იგეგმება. პროექტს კომპანია „SHAKRO" განახორციელებს, რომელსაც მთავრობამ რუსთავში, მშენებელთა ქუჩა №53-ში მდებარე 2305 კვ.მ არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობები პირდაპირი მიყიდვის ფორმით, 1 ლარად მიყიდა.
საპრივატიზებო პირობების მიხედვით, „SHAKRO" ვალდებულია საკუთრებაში გადაცემულ უძრავ ქონებაზე, 2 წლის განმავლობაში საფეიქრო საწარმო ააშენოს და წარმოება დაიწყოს. ინვესტორმა ვალდებულება აიღო ასევევ, რომ პროექტის განხორციელებისათვის მინიმუმ 204 ათასი ლარის ინვესტიცია განახორციელებს.
ირკვევა ისიც, რომ „SHAKRO" უზრუნველყოფს წარმოების დაწყებიდან პირველი წლის განმავლობაში - წარმოების შემოთავაზებული წლიური მოცულობის (მათ შორის ფეხსაცმლისა და ტამსაცმლის) არანაკლებ 25%-ის წარმოებას, ხოლო წარმოების დაწყებიდან მეორე წლის განმავლობაში - წარმოების შემოთავაზებული წლიური მოცულობის (მათ შორის ფეხსაცმლისა და ტანსაცმლის) 50%-ის წარმოებას.
