დღეს, 24 ივნისს, საქართველოს შინაგან საქმეთა მინისტრი ალექსანდრე ჭიკაიძე და საქართველოში აშშ-ის ელჩი რიჩარდ ნორლანდი ფოთსა და სოფელ სუფსას ეწვევიან.
შსს-ს ინფორმაციით, შსს-ს სასაზღვრო პოლიციის სანაპირო დაცვის დეპარტამენტის ფოთის ბაზაზე, ალექსანდრე ჭიკაიძე, სასაზღვრო პოლიციის უფროსი ზურაბ გამეზარდაშვილი და ელჩი რიჩარდ ნორლანდი საინჟინრო გემთსარემონტო სახელოსნოსთვის საჭირო ტექნიკისა და მცურავი საშუალებების ამწის გადაცემის ოფიციალურ ცერემონიას დაესწრებიან.
სუფსაში კი მინისტრი და ელჩი საელჩოს სხვა წარმომადგენლებთან და ოფიციალურ პირებთან ერთად საზეიმოდ გახსნიან და დაათვალიერებენ შსს-ს სასაზღვრო პოლიციის სანაპირო დაცვის დეპარტამენტის სადგურ "სუფსა"-ს ტერიტორიაზე ერთობლივი საზღვაო ოპერაციების მართვის ცენტრის ახალ შენობას.
