,,უფლებადამცველთა გაერთიანება'' გამოდის ინიციატივით, რომელიც ამომრჩევლების ინერტულ და გულგრილ დამოკიდებულებას არჩევნების მიმართ ერთხელ და სამუდამოდ დაასრულებს.
,,უფლებადამცველთა გაერთიანების'' თავმჯდომარის ნიკოლოზ მჟავნაძის განცხადებით: ,, საქართველოს პარლამენტმა საქართველოს კონსტიტუციის 28-ე მუხლის პირველ პუნქტში უნდა შეიტანოს ცვლილება და დაფიქსირებული ..უზრუნველყოფილია ამომრჩეველთა ნების თავისუფალი გამოვლინებას'' ნაცვლად კონსტიტუციაში უნდა ჩაიწეროს ,,ამომრჩეველთა ნების გამოვლენა სავალდებულოა''. ასევე ცვლილებები უნდა შევიდეს საარჩევნო კოდექსა და სხვა საკანონმდებლო აქტებში.
კანონმდებლობაში ასევე უნდა დაფიქსირდეს ის სანქციები, რომელიც დაწესდება იმ პირთა მიმართ, რომლებიც არჩევნებზე არასაპატიო მიზეზით არ გამოცხადდებიან. სანქციები კი გამოხატული იქნება ჯარიმებით, სისტემატურად არჩევნებზე არ მისვლის შემთხვევაში კი საარჩევნო ხმის ჩამორთმევისა და სახელმწიფო სამსახურში რაიმე თამამდებობის დაკავების აკრძალვით. აღნიშნულის ამოქმედების შემდეგ ამომრჩეველთა აქტივობა ნამდვილად გაიზრდება და არჩევნებზე ვიხილავთ არა საქართველოს მოსახლეობის ნახევრის არამედ უმრავლესობის მიერ გამოვლენილ ნებას.
აღნიშნული მოდელი ფართოდა გამოყენებული ევროკავშირის და სხვადასხვა ქვეყნების მიერ. მაგალითისთვის წარმოგიდენთ რამდენიმე ვარიანტს:
1. ბელგიაში ამომრჩევლის მიერ პირველად არასაპატიო მიზეზით არჩევნებზე არ გამოცხადების შემთხვევაში ამომრჩეველი ჯარიმდება 50 ევროდ, მეორედ 125 ევროდ, მეოთხედ არგამოცხადების შემთხვევაში კი ჩამოერთმევა ხმის უფლება და აეკრძალება დაიკავოს რაიმე თანამდებობა სახელმწიფო სამსახურში.
2. საბერძნეთში თუ ამომრჩეველი აპირებს საზღვარგარეთ გამგზავრებას მან წინასწარ უნდა მისცეს ხმა. ბელგიის მსგავსად აქაც მოქმედებს ჯარიმების სისტემა და ასევე პატიმრობა ერთი თვიდან ერთ წლამდე არჩევნებზე სისტემატური არ გამოცხადების შემთხვევაში.
3. ჯარიმების სისტემა მოქმედებს ასევე იტალიაში, გერმანიაში, ავსტრიაში, კვიპროსზე და ლუქსემბურგში.
4. ჯარიმებია დაწესებული ავსტრალიაშიც პირველად არ გამოცხადების შემთხვევაშია 13 დოლარი ჯარიმა, რაც შემდგომ ასევე იზრდება.
5. არგენტინასა და ბრაზილიაში 20 დან 200 დოლარამდეა ჯარიმა. შემდგომ კი ამომრჩეველს ერთმევა უფლება დაიკავოს რაიმე თანამდებობა სახელმწიფო სამსახურში.
6. პაკისტანში პირველადი ჯარიმაა 60 დოლარი. სისტემატურად არჩევნებზე არ მისვლის შემთხვევაში გამოსასწორებელი სამუშაოები ხუთი წლის ვადით.
7. თურქეთში ჯარიმა იწყება 14 დოლარიდან და მთავრდება სისხლისამართლებრივი პასუხისმგებლობით.
8. ეგვიპტეში პირველადი ჯარიმა იწყება 1 დოლარიდან და მთავრდება ასევე სისხლისამართლებრივი პასუხისმგებლობით.
,,უფლებადამცველთა გაერთიანება'' ამ დღეებში პოლიტიკურ პარტიებს გადაუგზავნის აღნიშნული ინიციატივის შესახებ თავის პოზიციას და დაიწყებს იმ პარტიებიდან ხელმოწერების შეგროვებას, რომლებიც იზიარებენ გაერთიანების პოზიციას საკანონმდებლო ცვლილებეთან დაკავშირებით.
