,,ჩატარებული არჩევნებით საქართველომ კიდევ ერთხელ აჩვენა მსოფლიოს, რომ დემოკრატული ღირებულებების ერთგული რჩება", _განაცხადა პრეზიდენტმა გიორგი მარგველაშვილმა ცენტრალური და აღმოსავლეთ ევროპის უზენაესი სასამართლოების თავმჯდომარეთა კონფერენციაზე სიტყვით გამოსვლისას.
მისივე განმარტებით, კონფერენციას უდიდესი მნიშვნელობა აქვს, რადგან იგი ემსახურება საქართველოს პოლიტიკურ და სასამართლო სისტემის დახვეწას.
,, დღეს მნიშვნელოვანი კონფერენცია იმართება, რადგან ეს ჩვენი ქვეყნის პოლიტიკურ და სასამართლო სისტემის დახვეწას ემსახურება. ქართველმა ხალხმა და ჩვენმა ქვეყანამ ისტორიული ცვლილება განიცადა. ცვლილებები შეეხო პოლიტიკურ სტრუქტურებსა და სოციალურ ინსტიტუტებს. ჩვენ კვლავ ვაგრძელებთ დემოკრატიულ რეფორმებს.", _განაცხადა მარგველაშვილმა.
შეგახსენებთ, რომ საქართველო რიგით მეოთხე ცენტრალური და აღმოსავლეთ ევროპის უზენაესი სასამართლოების თავმჯდომარეთა კონფერენციას მასპინძლობს.
კონფერენცია სასტუმრო "რადისონში" მიმდინარეობს, რომელსაც 13 ქვეყნის უზენაესი სასამართლოს თავმჯდომარე ესწრება.
კონფერენციის მუშაობაში ასევე სხვადასხვა ქვეყნიდან ჩამოსული 30 დელეგატი მონაწილეობს.