ორშაბათს, 23 ივნისს სტრასბურგში ევროპის საბჭოს აპარლამენტო ასამბლეის სესია დაიწყება, რომლის მუშოაბაშიც მონაწილეობას საქართველოს დელეგაცია შემდეგი შემადგენლობით იღებს: თედო ჯაფარიძე, დელეგაციის ხელმძღვანელი, აგრეთვე დელეგაციის წევრები: თინა ხიდაშელი, ეკა ბესელია, გუგული მაღრძე, ირაკლი ჩიქოვანი, დავით ბაქრაძე, ლევან ბერძენიშვილი, ჩიორა თაქთაქიშვილი.
სესიის პერიოდში პოლიტიკური ჯგუფებისა და კომიტეტეების სხდომები გაიმართება. სესიაზე ძირითადი საკითხი ევროპის საბჭოს გენერალური მდივნის არჩევა იქნება, სხვადასხვა ანგარიშებისა და რეზოლუციების განხილვა. საპატიო სტუმრის სტატუსით სტრასბურგს აზერბაიჯანის პრეზიდენტი, ილჰამ ალიევი ეწვევა.
სამშბათს, 24 ივნისს ბატონი თედო ჯაფარიძისა და ბატონი კოტე კორკელიას სახელით (საქართველოს ელჩი ევოპის საბჭოში) საქართველოს ევროპის საბჭოში გაწევრიანების 15 წლისა და დამოუკიდებლობის დღისადმი მიძღვნილი მიღება გაიმართება.
