აჭარის ტურიზმის დეპარტამენტის ინფორმაციით, ზაფხულის მოახლოებასთან ერთად ბათუმის საერთაშორისო აეროპორტში ფრენების რაოდენობა იზრდება. რეგულარულ ფრენებს ამ ეტაპზე ახორციელებს "Turkish Airlines" ( ყოველ დღე), "Belavia" კვირაში 2 -ჯერ ( მინსკი-ბათუმის ფრენები სეზონზე კვირაში 4 -ჯერ იგეგმება). "Georgian Airways" კვირაში 2 -ჯერ ბათუმი-მოსკოვის მიმართულებით ახორციელებს ფრენებს, რომელსაც სეზონზე სიბირის ავიახაზების "S7" -ის მიერ კვირაში ერთხელ შესრულებული ფრენა დაემატება. კვირაში 4 -ჯერ ხორციელდება ასევე ბათუმი თბილისის ფრენები .
გაორმაგებული იქნება ჩარტერული ფრენების რაოდენობა პოლონეთიდან ბათუმის მიმართულებითაც, 7 ივნისიდან კვირაში 1 -ჯერ ვარშავა-ბათუმის ფრენები დაიწყო, 13 ივნისიდან კატოვიცე-ვარშავა-ბათუმი , ხოლო 14 ივნისიდან კატოვიცე-პოზნანი-ბათუმის ფრენები . აჭარის ტურიზმისა და კურორტების დეპარტამენტის მიერ წარმოებული მოლაპარაკებებისა და სარეკლამო კამპანიის ფარგლებში 2014 წლის სეზონზე პოლონეთიდან ყოველკვირეულად 3 ჩარტერული ფრენა განხორციელდება.
საერთაშორისო ფრენებს ააქტიურებს ასევე უკრაინული ავიაკომპანია "Ukraine Internatinal Airlines", რომელიც ივნისის შუა რიცხვებიდან კვირაში 4 -ჯერ, აქტიურ სეზონზე კი კვირაში 6 -ჯერ გეგმავს ფრენებს კიევი-ბათუმის მიმართულებით.