საქართველოში ორდღიანი ვიზიტით შვეიცარიის გაერთიანებული სავაჭრო პალატის დირექტორი დორის სალისი, ტურიზმის ადმინისტრაციის მარკეტინგისა და სპეციალური პროექტების დირექტორი ფედერიკო სომარუგა და სახელმწიფო სამდივნოს აღმასრულებელი საბჭოს წარმომადგენლები ესტუმრნენ. დელეგაცია დღეს საქართველოს ტურიზმის ეროვნული ადმინისტრაციის ხელმძღვანელმა მიიღო. შეხვედრას შვეიცარიის საელჩოს წარმომადგენლებიც დაესწრნენ. გიორგი სიგუამ შვეიცარიის სახელმწიფო და კერძო სექტორის წარმომადგენლებს საქართველოს ტურიზმის ეროვნული ადმინისტრაციის საქმიანობა და გეგმები გააცნო. შვეიცარიული მხარე საერთაშორისო მოგზაურების დათვლის მეთოდოლოგიით დაინტერესდა. შეხვედრაზე ორმხრივი ურთიერთობის გაღრმავებისა და სამომავლო თანამშრომლობის შესახებ იმსჯელეს.
