,, პირდაპირ არის მითითებული საარჩევნო კოდექსში, რომ ფარულობის დარღვევა ეს არის ის ფაქტი, რომლის გამოც საარჩევნო ადმინისტრაციის წარმომადგენლებს ჯარიმა, იძულებით სამუშაოები, ან შესაძლოა, თავისუფლების აღკვეთაც შეეფარდოს. ცოტა უცნაურია, როდესაც ლაპარაკი არის, რომ ასეთი ქმედება ხელს არ უშლის არჩევნებს და არჩევნების შედეგებზე გავლენას არ იქონიებს. რაღაც ახალი ინტრიგა შემოიტანეს. ახალი ნიუსი დადეს ირმა ნადირაშვილთან და ზურა ჯაფარიძესთან დაკავშირებით. ეს იყო მცდელობა იმისა, რომ როგორმე ნარმანიას დედის საქციელი საარჩევნო უბანზე არ ყოფილიყო დღის მთავარი ნიუსი და გადაწეულიყო უკანა პლანზე. მაგრამ მინდა გითხრათ პატივცემულებო, როდესაც ამაში დიპლომატებსაც რევთ, რბილად რომ ვთქვათ ცოტა სასაცილოა. ამორალურია, როდესაც ნარმანიას დედის გადასარჩენად ირმა ნადირაშვილის დედა საავადმყოფოში მოხვდა",-განაცხადა ხათუნა გოგორიშვილმა.
შეგახსენებთ, რომ ,,ნაცმოძრაობა" კოალიცია ,,ქართული ოცნების" თბილისის მერობის კანდიდატს დავით ნარმანიას დედას ამომრჩეველზე ზეწოლაში ადანაშაულებს. პარტიის ოფისში გუშინ გამართულ პრესკონფერენციაზე ,,ნაცმოძრაობის" წევრმა ზურაბ ჭიაბერაშვილმა სპეციალური ვიდეო წარმოადგინა სადაც, როგორც პარტიაში აცხადებენ, ასახულია როგორ ახდენს ზეწოლას ამომრჩეველზე ნარმანიას დედა.
,,წარმოგიდგენთ ზუგდიდის რაიონის სოფელ კოკის #97-ე საარჩევნო უბანზე არჩევნების დღეს მიმდინარე პროცესს. სწორედ ამ სოფლიდანაა ბატონი დავით ნარმანია, რომელიც ,,ქართულმა ოცნებამ" თბილისის მერობის კანდიდატად დაასახელა. Aამ უბანზე უბნის კომისიის წევრად ქალბატონი ნორა იყო ბატონი დავითის დედა. კადრები რომლის გადაღებაც დამკვირვებლებმა მოახერხეს არჩევნების დღეს ნათლად აჩვენებს თუ როგორ ახდენს ქალბატონი ნორა ზეწოლას ამომრჩეველზე და აიძულებთ მათ აჩვენოს ის ბიულეტენები სადაც ქალბატონი ნორასთვის სასურველი ნომერია შემოხაზული", _განაცხადა ჭიაბერაშვილმა.
პარალელურად გუშინვე გავრცელდა ინფორმაცია ბაქოში ,,ნაცმოძრაობის" წევრების ზურაბ ჯაფარიძისა და ირმა ნადირაშვილის დაკაცების შესახებ. მიზეზად კი დასახელდა ის რომ დეპუტატები საზღვარზე ელექტროშოკური აპარატებისა და დიდი ოდენობით ფულადი თანხის გადმოტანას ცდილობდნენ. აღნიშნული კი კატეგორიულად უარყვეს დეპუტატებმა.