კომპანია „Hualing Group"-ი საქართველოში პოექტს ახორციელებს, რომელიც ინვესტიციების შემოტანას შეუწყობს ხელს. კომპანიის კორპორაციული კომუნიკაციების მენეჯერის თინათინ შიშინაშვილის განცხადებით, 21 ივნისს თბილისის ზღვის მიმდებარე ტერიტორიაზე, „თბილისის ზღვის პლაზა" იხსნება. მისი თქმით, პროექტის პირველი ეტაპი ოლიმპიურ სოფელს და სავაჭრო ცენტრს მოიცავს.
„კომპანია „Hualing Group" საინვესტიციო კორპორაციაა, რომელიც თბილისის ზღვის ტეროტორიაზე, ვაზისუბნისა და ვარკეთილის მიმდიბარედ ახალ დეველოპერულ პროექტს ავითარებს. პროექტის პირველი ეტაპი ოლიმპიურ სოფელს და სავაჭრო ცენტრს მოიცავს. ოლიმპიური სოფელი თბილისი 2015-ის ახალგაზრდულ ოლიმპიურ ფესტივალს უმასპინძლებს. ჩვენი ვალდებულებაა დავასრულოთ ოლიმპიური სოფელი, რომელიც შემგდომში დროებით მერიას გადაეცემა. ასევე უნდა დასრულდეს სავაჭრო ცენტრის „თბილისის ზღის პლაზა" მშენებლობა, რომელიც ამავე ტერიტორიაზე, ვაზისუბნის მხარეს მდებარეობს. სავაჭრო ცენტრის მთლიანი მოცილობა 300 000 კვადრატულ მეტრს შეადგენს, მაგრამ ამ ეტაპისთვის დასრულებულია პირვლი ნაწილი, ანუ 12 პავილიონი", - განაცხადა შიშინაშვილმა.
როგორც კომპანიის კორპორაციული კომუნიკაციების მენეჯერმა აღნიშნა, 12 პავილიონში წარმოდგენილი იქნება თურქული, ჩინური, ცენტრალური აზიის და სხვა ქვეყნების ნაწარმი, ეს იქნება საბითუმო და საცალო ვაჭრობის ცენტრი.
„21 ივნისს „თბილისის ზღვის პლაზა" იხსნება. დღეისათვის, ჩინეთიდან საქართველოში განხორციელებულ საინვესტიციო პროექტებს შორის, ჰუალინგ ჯგუფის მიერ ჩადებულია ყველაზე მეტი ინვესტიცია, რაც ძალიან მნიშვნელოვანია ქვეყნის განვითარებისთვის. 21 ივნისს, პლაზის გახსნის პარალელურად, საექპორტო საქონლის საერთაშორისო გამოფენა გაიხსნება. გამოფენაზე ასევე მონაწილეობას იღებენ ადგილობრივი და უცხოური ბრენდები: ქრონოგრაფის საათები და საიუველირო ნაწარმი, სვაროვსკი, ვილეროი & ბოხი, რონიკო, ართთაიმი, ფინანსთა სამინისტროს მომსახურების სააგენტო, სალამანდრა, სარაჯიშვილი, ბარამბო და ღვინის ბრენდები", - განაცხადა შიშინაშვილმა.
„თბილისის ზღის პლაზა" გახნას ეკონომიკის მინისტრი გიორგი კვირიკაშვილი, ჩინეთის სახალხო რესპუბლიკის ელჩი საქართველოში, საქართველოს ელჩი ჩინეთში და ასევე სხვა ოფიციალური პირები და ბიზნესმენები დაესწრებიან.
„მიგვაჩნია, რომ ეს პროექტი ინვესტიციების შემოტანას შეუწყობს ხელს საქართველოში. ცენტრი გათვლილია გახდეს ამიერკავკასიაში რეგიონალური მნიშვნელობის. ცენტრის მიმდებარედ მოეწყობა ინფრასტრუქტურა რეექსპორტისათვის, საბაჟო საწყობი, რაც აუცილებლად მოიზიდავს სხვადასხვა ქვეყნებიდან დაინტერესებულ პირებს. ადგილზე წარმოდგენილი იქნება თვითან მწარმოებლის მიერ ჩამოტანილი ნაწარმი, ფასები იქნება ბევრად უფრო კონკურენტუნარიანი", - განაცხადა თინათინ შიშინაშვილმა.
