19 ივნისს, ფინანსთა მინისტრი ნოდარ ხადური შვეიცარიის ეკონომიკის სახელმწიფო სამდივნოს დელეგაციის წევრებს შეხვდა. შვეიცარიულ მხარიდან შეხვედრას ესწრებოდნენ შვეიცარიის კონფედერაციის ეკონომიკის სახელმწიფო სამდივნოს ორმხრივი ეკონომიკური ურთიერთობების სამსახურის უფროსი, ელჩი ლივია ლუ, შვეიცარიის გაერთიანებული სავაჭრო-სამრეწველო პალატის მმართველი დირექტორი დორით სალისი, ასევე შვეიცარიის ბიზნეს წრეების წარმომადგენლები.
ფინანსთა სამინისტროში გამართულ შეხვედრას დაესწრო საგადასახადო ომბუდსმენი გიორგი გახარია.
მხარეებმა ისაუბრეს ისეთ თემებზე როგორიცაა: ქვეყნის ეკონომიკური განვითარება და ინვესტიციები, არსებული ბიზნეს-კლიმატი, საქართველოსა და შვეიცარიას შორის სავაჭრო-ეკონომიკური ურთიერთობების გაღრმავების საკითხები და სხვა.
